<?xml version="1.0" encoding="UTF-8"?><song><time_sig>11.11.11.11.</time_sig>
<title>Ʋba anumpa yimmi illa he in taloa. ƲIT157</title>
<lyrics>[V1]
 Si abeka tuk ʋt hopaki fehna,
 Sa nipi ʋt tikambit kʋniʋshke;
 Sa fiopa mʋt taiyaha ak inli,
 Na̱ sai Okchalinchi Chisʋs chia ma!

[V2]
 Achukma fehna hosh is sa pesashke,
 Shilombish Holitopa ya̱ ʋma cha,
 Is sa yukpanlit, is sa halanli na,
 Sai okcha̱ya he, chim aiahni lishke.

[V3]
 Yakni ilʋppa itonla li hoh kia,
 Chekosikma illit sa kʋnia chi̱,
 Aiahni li kʋt, na̱ sai Okchalinchi
 Chisʋs ma! Chi hoho̱yo li fehnʋshke.

[V4]
 Sa shilombish a̱ pit chihi̱ma lishke;
 Nitak a̱ si ai illi mak inli hosh
 Chi shakba pohloma ont fohka la chi̱,
 Aiahnit chi anukchieto lishke.

[V5]
 A̱ kana, an chukachʋfa puta ma!
 Anumpa ʋm ishtaiyopi pulla ka̱
 Chima li hoka, hʋs sa haiyaklashke;
 Ia li hoke, hus sʋthaiyanashke,

[V6]
 Chisʋs ʋt sa hoyo hoka, ia li;
 Ʋba yakni na̱ yukpʋt ona la chi̱;
 Ʋbanumpa hʋchi anukfokashke:
 Klaist a̱ i̱ yimmit hʋsh ai okcha̱yashke.</lyrics>
<hymn_number>157</hymn_number>
<author>Cyrus Byington</author>
<aka>Si abeka tuk ʋt hopaki fehna, Dying Believer</aka>
</song>